Утре се отвора Музеј на илузии во Скопје

Музејот на илузии, лоциран на улицата Максим Горки во Скопје, утре од  10 часот ќе ги отвори вратите за посетителите.

Сопствениците најавуваат несекојдневно доживување, незаборавна авантура и забава за сите возрасти. Музејот е на три спрата и нуди можност за разгледување фотографии, решавање дилеми и мозочни сложувалки. Дали се плашите од диви животни и колку можат да бидат страшни и безопасни во ваша непосредна близина? Дали сте доволно храбри да се качите во лифтот без дно? Од Музеј на илузии покануваат на правење поинакви и необични фотографии од целото семејство.