Порта3 – градежништво, архитектура и екологија Порта3 – градежништво, архитектура и екологија
Утре со почеток од 19:00 часот во Музеј на Град Скопје ќе се одржи свеченоста по повод доделувањето на Големата годишна награда за 2021 година за реализирано дело од областа на архитектурата, која ја доделува Асоцијацијата на Aрхитекти на Македонија (ААМ) под покровителство на Претседателот на Северна Македонија, Стево Пендаровски.
Ова македонско признание за архитектонско достигнување, традиционално и со сите почести се доделува секоја година и претставува афирмација на архитектурата во нашата земја.
По пат на јавен повик се пријавуваат авторски дела – реализирани архитектонски објекти, од кои стручна Комисија врши селекција и најдоброто дело, кое отсликува квалитетно архитектонско творештво го одбира како првонаградено. Победникот, како и секоја година ќе биде прогласен на настанот утре.
