Турски фотограф им дава нова димензија на сосем обични места

Фотографот од Турција Aydın Büyüktaş, инспириран од научната фантастика овозможува сосема поинаква перцепција на местата што се пред неговиот објектив. „За време на моето детство и адолесценција читав научна фантастика од автори како што се Исак Асимов, Велс и бројни научни и технички списанија. Таа литература ми отвори многу прашања за црните дупки, паралелните универзуми, градитацијата, поврзаноста на просторот и времето …“.

Токму оваа негова пасија се спојува со неговиот афинитет кон визуелните ефекти и анимацијата. Во 2008 година неговите 3D анимации стануваат многу популарни. Дипломирал фотографија а работи како мултимедијален уметник. За својата последна серија фотографии насловена „Flatland“, вели дека бил инспириран од новелата на Едвин Абот Flatland: A Romance of Many Dimensions, во која авторот креира вовед во концептот на повеќекратна димензија во вселената.