Насловна / Архитектура / Тирана добива вертикална шума по проект на Стефано Боери

Тирана добива вертикална шума по проект на Стефано Боери

Прославениот италијански архитект проектирал единствена кула која наскоро ќе ја краси албанската престолнина.
Bosco Verticale во Милано од 2014. година сигурно е најпрочуената зелена зграда на светот, која не само што е овенчана со бројни награди, туку е и зачетник на градење згради кои се „оковани“ со зеленило. Bosco Verticale е проект на Стефано Боери, кој сега проектира кула во Тирана со асиметрично поставени, коцкасти тераси во кои се засадени големи зелени дрвја.

2
Објектите обогатени со дрвја, грмушки и цвеќе се сметаат за вертикални шуми кои ја зголемуваат зелената површина во градовите и го подобруваат квалитетот на воздухот во урбаните средини. Бирото на Stefano Boeri Architetti специјализирано е токму за овакви објекти и проектирале кули во неколку европски градови меѓу кои покрај Милано се и Утрехт и Нанјинг, а сега на ред е Тирана.

3
Dezeen наведува дека при работа на овој проект големо внимание е посветено на изборот на растенијата. „Тирана е медитеранска престолнина, поради што одбравме различни видови растенија, типични за овој еко систем“, изјавија од бирото. „Интензивни зелени грмушки кои ги карактеризираат жолти и виолетови цветови ќе бидат засадени на зградата, како и мирисни растенија, босилок и рузмарин“.
Сепак, вистинска шума ќе се најде на фасадат на објектот. Ќе ја красат 3.200 грмушки како 145 дрвја.

1

Нов украс на градот

Зеленило и големи стаклени површини ќе красат три од четири страни на зградата, додека едната страна ќе остане „слепа“. Прозорите на сите катови ќе се простираат од под до плафон, а на станарите погледот на плоштадот Марија Терезија ќе им биде врамен со големи живи орнаменти.
Вертикалната шума во Тирана ќе биде на 21 кат и ќе има вкупно 105 станови. Приземјето ќе биде наменето за трговија, а гражата и помошните простори се сместени на четири нивоа под земја.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top