Tesla започнува со производство на автомобили и во Мексико

Компанијата со седиште во Остин, Тексас, го избра Мексико како дестинација за својата следна „гигафабрика“ за електрични возила. Работите на изградбата се очекуваат да започнат веќе до крајот на овој месец, а наредната година се очекува производството на првите автомобили од оваа фабрика. Извршниот директор на Tesla, Илон Маск, ја најави оваа инвестиција минатата седмица.

Властите во Мексико потврдиле дека станува збор за најголемата фабрика за производство на електрични автомобили во таа земја, а инвестицијата вреди 5 милијарди долари. Локацијата за ова афабрика е во Саната Катарина, недалеку од главниот град на сојузната држава Монтереј, а се простира на неколку илјади хектари.