Со помош на цевки за канализација до решение за станбената криза во Индија

Цевките за канализација и послужиле на една инженерка од Индија како инспирација за решавање на станбената криза во земјите во развој. Perala Mansa, ги проектирала т.н O-pods куќи кои можат да се преместуваат од една на друга локација, а за чија изградба не треба ниту многу средства ниту простор.

Таа смета дека овие евтини мали куќи, изработени од цевки за канализација, би можеле да бидат едно од решенијата за станбените кризи кои се повеќе ги притискаат земјите во развој. Првиот модел на ваква куќа таа го изградила во април 2021 година, а сега нејзината компанија тврди дека добива илјадници порачки од хотели и компании за недвижности ширум Индија.