Секоја недела бесплатна апликација од Google

Google, кој прославува пет години од функционирањето на Play Store, лансираше нова секција во оваа популарна продавница, која од сега ќе вклучува по една апликација бесплатно, секоја недела. Се работи за апликација која вообичаено би била достапна само доколку платите, но од сега по една апликација ќе биде прогласена за Free App of the Week и ќе биде достапна сосема бесплатно.

Во моментов, бесплатно се нуди играта Cartoon Networks’ Card Wars која претходно чинеше 2,99 долари. Активните корисници веднаш забележаа, дека слична кампања Google спроведе и минатата година, но истата го немаше посакуваниот ефект. Овој пат, односно минатата недела, кампањата беше релансирана и понудена беше апликацијата Ultimate Guitar Tabs & Chords, но само мал број од корисниците воопшто ја забележаа.

Опцијата е во моментот достапна само за корисниците од САД.