Стилска алтернатива на типичните сувенири

Рускиот дизајнер Константин Колесов создал интересна колекција од  сувенири со најзначајните архитектонски зданија ширум светот. Колекцијата содржи 15 парчиња со знаменитости од Њујорк, Лондон, Токио, Дубаи и други градови.

Изработени се од алуминиум, а основата е од природно дрво со втиснат 2D амблем на градот за кој се работи. „Мојата страст за патување и искуството во градежното инженерство, ме инспирираа да креирам тематски – архитектонски сувенири со чисти линии, траен материјал, и стил кој одлично ќе се вклопи во модерните домови и канцеларии“, вели Колесов.