Сараево: Кредит од 25 милиони евра од ЕБОР за трамвајска пруга

Владата на Федерацијата Босна и Херцеговина, ја усвои предлог одлуката за прифаќање на задолжувањето според Договорот за заем помеѓу БиХ и Европската банка за обнова и развој (ЕБОР), за реализација на проектот за изградба на трамвајската пруга Илиџа – Храсница во износ од 25 милиони евра. Овие средства ќе бидат искористени за проширување на двонасочната трамвајска пруга од Илиџа до Храсница, изградба на нов кружен тек на Илиџа, кој ќе биде приклучен на постоечката трамвајска пруга, како и изградба на околу 20 нови трамвајски станици. Средствата од заемот ќе бидат префрлени на Кантонот Сараево кој е надлежен за реализацијата на овој проект.