Саем на техника и информатика во Белград

Од 11 до 15 мај на Белградскиот саем ќе биде одржан Меѓународен саем за техника и информатика под слоганот „Чекор во иднината“ („Korak u budućnost“). Саемот е посветен на информациско комуникацискиот сектор (ITC).

На саемот ќе бидат претставени енергетски системи, обновливи извори на енергија, системи за климатизација, греење и ладење, иновативни производи и проекти. Ќе се одржи конференција за унапредување на економската соработка помеѓу Србија и Италија во доменот на развојот и примената на нови производствени технологии.

Се очекуваат околу 20.000 посетители и околу 500 излагачи од 20 земји.