Русија го лансираше „Сојуз“ со 38 странски сателити

Вчера Русија успешно ја лансираше ракетата „Сојуз 2.1а“ со 38 странски сателити, соопшти руската вселенска агенција „Роскосмос“. Ракетата е лансирана од космодромот Бајконур во Казахстан. Целта на мисијата на „Сојуз 2.1а“ е во орбитата да постави 38 сателити од 18 земји вклучувајќи ги Јужна Кореја, Јапонија, Канада, саудиска Арабија, Германија, Италија и Бразил. Меѓу нив е и Challenge-1, првиот сателит во целост изработен во Тунис.

Лансирањето претрпе две одложувања поради технички проблеми.