Работната атмосфера во Google- Amsterdam

Обновата на канцелариите на Google во Амстердам ја направи холандското архитектонско студио  D / DOCK .Замислата е предвидена надвор од гаражата каде основачите Larry Page и Sergey Brin ja започнале компанијата. Со интегрирање на ексцентични елементи околу постоечкото место, како ѕидови со графити, ламби од картонски кутии,како и ѕидови од контејнри кои го формират аудиториумот за 70 луѓе, го илустрираат и го откриваат неговиот период на создавање.

Сместен во јужниот дел на градот, просторот од 3000 метри квадратни се трансформира во еден интерактивен пејсаж.Секој кат  е карактеристичен сам по себе вклучувајќи ги сите неопходни простории како соби за собири, острови за состаноци, чајни кујни како и видео кабини поставени во  средиштето на зградата. Централниот “пештерски” елемент е опкружен со индивидуални работни позиции каде сите се сместени во непосредна близина на прозори кои им овозможува на вработените да уживаат во погледот накај градот.