Prodrive – најубавиот тркачки симулатор во светот

Ова прекрасно скулптурално парче се добива кога еден од најдобрите дизајнери на автомобили ќе добие задача да креира тркачки симулатор.

Британската мотор-спорт компанија Prodrive ја откри својата нова, ексклузивна опрема за возење која на купувачите ќе им биде достапна до крајот на годината.

Опишан како „најубавиот тркачки симулатор во светот“, „Prodrive Racing Simulator“ од професионална класа креиран е во соработка со легендарниот британски дизајнер на автомобили, Ian Callum.

Callum е дизајнерско студио создадено од Ian Callum, поранешен водечки дизајнер во Jaguar Land Rover. Callum е одговорен за голем број култни дизајни, работејќи на Aston Martin Vanquish и DB9, Jaguar F-Type и I-Pace и оригиналниот рели автомобил Ford Puma и RS200 Group B.

„Prodrive Racing Simulator“ е дизајниран дел за возење да биде, а дел скулптура. Претседателот на Prodrive, Дејвид Ричардс, коментира дека идејата е да се поседува „нешто на што би биле горди да го имате изложено во вашиот дом како клавир, а не да биде сокриено“.

Како резултат на тоа, опремата се состои од надворешна структура од бреза, која се состои од 16 слоеви дрво и е завршена со црн лак со висок сјај- многу слично на големо пијано.

Секако, опремата има прилично висока цена, 58.000 долари. Сепак, како дел од тие трошоци, клиентите ќе бидат поканети во седиштето на Prodrive во Banbury, Oxfordshire, на обиколка на објектите и тест-возење на опремата. Исто така Prodrive ќе го инсталира симулаторот и во домот на клиентот.

„Овој дизајн интригира. Знаете дека е симулатор, но потоа треба да погледнете повторно. Прекрасната форма и сјајната „пијано црна“ го носат Racing Simulator на сосема ново место – тоа е парче мебел што може елегантно да се смести во простор за живеење“ , вели Ian Callum.