Пријавете се на натпревар за млади дизајнери „Next Gen Design: Redesign Tomorrow, Today“

Пет водечки европски фестивали за дизајн ги здружија силите за да одржат натпревар за млади креативци во Европа, „NEXT GEN DESIGN: ДА РЕДИЗАЈНИМЕ УТРЕ, ДЕНЕС“

Next Gen Design е тригодишна иницијатива поддржана од Европската Унија преку програмата Креативна Европа.

Препознавајќи ја итноста на климатската криза и моќта на дизајнот да ги поттикне промените, пет водечки европски дизајнерски платформи и фестивали – Миксер Фестивал (Србија), What Design Can Do (Холандија), designaustria, Barcelona Design Week (Шпанија) и Skopje Design Week (Македонија) – се здружија во рамките на проектот Next Gen Design. Оваа тригодишна соработка има за цел да ги поттикне младите дизајнери да обликуваат одржлива и циркуларна иднина преку иновации, креативност и соработка.

ПРЕГЛЕД НА НАТПРЕВАРОТ

Тема: Да редизајнираме утре, денес (фокус на еколошки, инклузивни и одржливи идеи)

Рок за пријавување: 30 март 2025 година.

Кој може да учествува? Сите млади креативци на возраст од 18 до 35 години, кои живеат во Европа (поединци или тимови)

Котизација за пријава: Бесплатно

БЕНЕФИТИ

• Учество во патувачка изложба на пет престижни фестивали за дизајн/недели за дизајн
• Резиденцијален престој на некој од фестивалите со покриени трошоци
• Можност да се освои парична награда од 2.000 евра за најдобар резиденцијален проект

ЗОШТО NEXT GEN DESIGN?

Преку анкети, отворени повици и интегрирани едукативни програми, оваа иницијатива ги зајакнува младите луѓе и поттикнува смели, инклузивни и циркуларни дизајнерски решенија. Со вклучување на овие активности во водечките дизајнерски фестивали, проектот ја нагласува клучната улога на дизајнот во решавањето на глобалните предизвици, промовирајќи ги принципите за одржливост и усогласување со Европскиот зелен договор.

Next Gen Design дава можност да се подигнат идеите на младите креативци на повисоко ниво и да стане нивната креативност движечка сила за поодржлива иднина. Проектот нуди платформи за препознавање и поддршка, со цел да инспирира нова генерација еколошки свесни креативци низ Европа и пошироко.

СТРУЧНО ЖИРИ

Пријавените проекти ќе бидат оценувани од меѓународно жири составено од познати и наградувани експерти за дизајн:

• Birgit Lohmann – дизајнерка и кустос, коосновач на designboom и основачка на NOT COMPROMISED, Германија / Италија
• Laura Clèries – директорка за истражување во дизајнот | СЕО The Hut Agency, Шпанија
• Зоран Једрејчиќ – дизајнер и уметнички директор, Хрватска / Србија
• David Jablonski – активист, дизајнер и коосновач на Klimadashboard.org (Колектив за визуелизација на климатските промени), Австрија
• Amanda Pinatih – кустос за дизајн и современа уметност, Stedelijk Museum, Холандија

Жирито ќе ги оценува трудовите врз основа на нивната способност да донесат иновативни решенија со фокус на креативноста, одржливоста и инклузивноста. Посебно внимание ќе се посвети на влијанието врз животната средина, релевантноста за климатските промени и ефикасноста во користењето на ресурсите, како и потенцијалот за социјален ангажман, партиципативни пристапи и мотивирање на младите за позитивни промени.

Да редизајнираме утре, денес – поднесете ја вашата идеја!

Не пропуштајте ја можноста да обликувате одржлива иднина преку дизајн! Пријавете ја вашата иновативна, еколошки свесна и инклузивна идеја и станете дел од мрежата на водечки европски дизајнерски фестивали.Добијте меѓународно признание, учествувајте во резиденции и презентирајте ја вашата работа низ Европа!

Пријавите се отворени на: https://nextgendesign.eu/open-call/ Краен рок за аплицирање: 30 март 2025 година!

Контакт за прашања: [email protected]

Линкови на натпреварот:

Текст на конкурсот: https://nextgendesign.eu/open-call/

Формулар за пријавување: https://nextgendesign.eu/application-form/