Prada отвара кафуле во Фиренца кое е ода на италијанското лето

Prada го реновираше историското Caffe Principe во приморското одморалиште Versilia со необичен ентериер и вкусни задоволства…

Колку и да звучи банално, тешко е да се зборува за новото тосканско кафуле на Prada, Caffe Principe, без да се спомене „la dolce vita“. Сместено во луксузното приморско одморалиште Versilia, Caffe Principe првпат е отворено во 1930-тите, а во 1950-тите и 1960-тите се развило во популарна летна дестинација за филмските ѕвезди и други членови на италијанската елита.

Кога групацијата Prada минатата година го купи Principe, многумина претпоставуваа дека ќе го трансформира просторот во уште една слаткарница позната по слатки налик на скапоцени камења и ентериери во нијанса на зелена боја на нане (слична нијанса го краси неодамна отвореното Prada Caffe во лондонски Harrods), во сопственост на групацијата Prada од 2014 година.

Но, Prada го задржала оригиналниот стил на кафулето Principe, истовремено оживувајќи го со некои препознатливи Prada детали. Архитектот Мишел Бонан развил мебел кој потсетува на оригиналите од 1950-тите, вклучувајќи плетени маси и столици, сино – бели перничиња за седење на отворено и маси Formica.

Класичната Principe сина, исто така е присутна насекаде, надополнета со завеси и тапети во сино-зелена графичка шема во стилот на 1960-тите, преземена од архивите на модната куќа Prada.

Униформите, секако, ги дизајнирала Miuccia Prada, со извезени бели кошули, темносини фармерки и бели патики или еспадрили.

Менито содржи лесни, летни прикладни класици, како caprese салата и мали сендвичи, како и ново издание на фокача од сирење.