Насловна / Вести / Повеќе од половината од светските шуми се наоѓаат во само пет земји

Повеќе од половината од светските шуми се наоѓаат во само пет земји

Според податоците на Организацијата на Обединетите нации за храна и земјоделство, нашата планета од 1990 година изгубила површина под шуми еднаква на територијата на Либија (178 милиони хектари). Исчезнувањето на овие драгоцени природни ресурси е намалено во последната деценија, но и натаму е сериозно, особено ако се земе предвид дека дрвјата претставуваат значајни „сунѓери“ на јаглерод диоксидот, а шумите се дом за многу растителни и животински видови.

forest3

Иако сечењето на шумите и натаму драматично ги уништува шумските екосистеми, податоците го илустрираат нарушувањето на рамнотежата помеѓу пошумувањето, природното ширење на шумата и дефорестацијата. Додека научниците се трудат за развијат комерцијално прифатлива технологија за зафаќање и складиштење на јаглерод диксидот, се занемарува фактот дека природата веќе ни понудила сопствени решенија. Имено, шумските капацитети отстрануваат 45% од јаглерод диоксидот глобално. Дури 54% од светските шуми се наоѓаат во само пет земји – Русија (815 милиони хектари), Бразил (497 милиони хектари), Канада (347 милиони хектари), САД (310 милиони хектари) и Кина (220 милиони хектари).

forest1

Меѓу наведените рекордери, Русите и Бразилците највеќе ги злоупотребуваат своите богатства, а стеблата масовно „гинат“ поради нелегалната сеча и расчистување на земјиштето заради земјоделски активности.

Научниците велат дека доколку се обнови шума со површина на САД (986 милиони хектари) – потенцијали би можеле да ги анулираме емисиите на јаглерод диоксид генерирани во последните 100 години и би се неутрализирал негативниот ефект на климатските промени.

forest2

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top