Пешачки мост од дрво кој може да се постави за само неколку часа

Drift е иновативен пример на урбанизам plug-and-play, одржлива и достапна стратегија за дизајн која предлага изградба на инфраструктурни елементи вон локацијата и нивно поставување на предвиденото место. Овој иновативен дизајн опфаќа јавна уметност, урбан дизајн, архитектура и инфраструктура.

Од една страна, тоа е проект управуван од заедницата, специфичен за локацијата, создаден за да ја премости физичката поделба (поток) помеѓу двете половини на населбата и нивните соодветни системи паркови. Од друга страна, користените техниките за изработка и вградување може да се применат во широк спектар за заедници и случаи на употреба.

Во текот на процесот на проектирање, дизајнерот Волкан Алканоглу имплементирал три централни принципи на дизајнот: користење одржлив материјали кои во исто време го минимизирал влијанието врз природната средина; намалување на трошоците на проектот преку иновативен дизајн и проектна логистика, и на крај – создавање чувство на припадност и поврзување на заедницата.

Во зависност од сезоната, коритото се движи од сад со проточна вода до сув базен исполнет со дрво и исечени растенија. Овој процес на трансформација ја иницирал палетата на материјали и формата на мостот, кој сега наликува на мазна, закривена гранка или наклонета свиткана даска, која надвиснува над потокот и обезбедува пешачка врска помеѓу двата дела на населбата.

Кога мостот се гледа од други агли, се добива впечаток дека всушност станува збор за брод со конвексен долен дел и вдлабнат труп кој содржи патека, клупи и огради. Сите овие елементи се вградени во една форма, каде што неправилните бранови и кривини се проектирани за седење и поддршка. Заедно со вградените клупи, Drift станува простор за размислување, рекреација и комуникација, а не само механизам за поминување или пронаоѓање пат.

Додека Алканоглу првично ја замислувал изработката на мостот исклучиво од вкрстено ламинирано дрво, буџетските ограничувања поттикнале поинаква, но подеднакво иновативна стратегија. Земајќи ги предвид техниките на бродоградба, тој и тим инженери почнале со челична арматура, но отстапиле од традицијата обложувајќи ја со CNC исечени и мелени дрвени даски – производ на компјутерски дизајн. На овој начин, секоја табла се сече по мерка, а потоа се ламинира во една голема, брановидна форма.

Иновативно, оригинално, и пред се практично решение кое овозможува подобро поврзување на луѓето.