„Патека на смртта“ во Кина за зависници од адреналин

Планината Хуашан во Кина е една од петте свети планини на таоизмот. Се наоѓа во близина на градот Xi’ana во провинцијата Shaanxi. Ова подрачје се смета за свето уште од вториот век п.н.е., кога во подножјето на планината е изграден таоистички храм. Оттогаш, на и околу планината живеат аџии и монаси. Од кинески Хуашан се преведува како „Цветна планина“, бидејќи комбинира пет врвови кои со изгледот потсетуваат на форма на цвет, лотос.

Планината успеа да ги спои и чајот и адреналинот, бидејќи токму тука се наоѓа најстрашната и најопасната планинска патека на светот, наречена „патека на смртта“, по која туристите стигаат до чајџилница на надморска височина од 2160 метри.

Планината има многу возбудливи туристички патеки, тука се и лифтови и жичари, а љубителите на адреналин се искачуваат пеш. Љубопитните патници можат да дојдат до секој од петте врвови на Хуашан.  Но, постои и патеката „позната“ по лоша репутација, а голем број авантуристи токму поради тоа доаѓаат овде, да ја тестираат и да се тестираат. Оваа „патека на смртта“ е премин од северниот врв на Хуашан на јужниот. Некои патници откако го направиле првиот чекор, од ужас буквално се скаменуваат, неспособни да ги помрднат своите вкочанети прсти и да се помрднат. И тоа не е за изненадување.

Качувањето по една од најекстремните патеки во светот започнува во подножјето на Хуашан со скали издлабени директно во самата планина, кои речиси вертикално се искачуваат по сртот. Но, искачувањето на планината не завршува со оваа камена патека. За оние кои сакаат да стигнат до јужната страна на врвот, понатамошното патување е поопасно. Откако ќе ја совладаат планинската падина по „небсните скали“ издлабена во камен, патниците ќе дојдат до нејзиното екстремно продолжение – пат направен од дрвени даски. На туристите кои ова не можат да го совладаат им се нуди да стигнат до јужниот врв со специјална жичара.

Целата опасност на „патот на смртта“ лежи во фактот што е направен од тесни штици што буквално висат над бездна. Покрај патеката на карпите се поставени ланци како ракохват, кој се појавиле релативно неодамна, пред 700 години, предходно луѓето се искачувале на планината само на груби даски.

Според непотврдени податоци, од овие патеки годишно паѓаат и до 100 луѓе.

Дали сакате да пиете чај на планина на висина 2160 метри? Што велите за наплив на адреналин со постојан страв од смрт? Доколку се согласувате со тоа, тогаш треба да ја посетите најопасната планинарска патека на светот.