Отворена архитектонската изложба: Жените архитекти во постземјотресната обнова на Скопје

Вчера, во Музеј на Република Северна Македонија, Скопје во организација на Здружението на граѓани за поддршка и промоција на културата – Континео 2020, Скопје се отвори изложбата „Жените архитекти во постземјотресната обнова на Скопје“. Изложбата ќе биде отворена до 23 март наредната година.

Авторите велат дека инспирирани од интензивната дебата која се води на глобално ниво за улогата на жената во општеството, а соодветно и во професијата, овој проект има за цел да ја истражи, документира, проучи и промовира улогата и делата на овие извонредни жени од практиката – планерки, архитектки и дизајнерки; да доведе кон подобро разбирање, поголема видливост и вреднување на архитектонското и културното наследство кое тие го оставиле на идните генерации.

Проектот е финансиран од Амбасадата на Швајцарија во Северна Македонија.