Насловна / Вести / Островот Крк добива двокатен мост долг 850 метри

Островот Крк добива двокатен мост долг 850 метри

Хрватските автопати распишаа тендер за изработка на студиска и проектна документација до дозвола за градбаа за нов мост на островот Крк со пристапни патишта.

4

Мостот, долг околу 850 метри, ќе биде поврзан со автопатот Загреб – Риека, а новата сообраќајна траса на која ќе се наоѓа, вклучува изградба на тунел и вијадукт.

3

Две варијанти на изгледот на мостот

Рокот за изработка на документацијата како основ за изградба на новиот мост на Крк е три години. Земајќи ги предвид овие податоци, изградбата би можела да започне најрано за четири години, пишува Jutarnji.hr.

Конкретните изгледи на новиот мост во моментов се предмет на претпоставки, а ќе зависат од избраната проектна документација. Во предвид доаѓаат две варијанти, односно – мостот ќе биде висечки или со коси кабли.

2

Студијата и проектната документација дефинирана со конкурсот опфаќаат сообраќајница со вкупна должина од околу седум километри.

На трасата се наоѓаат: пристапен пат со приклучок од автопатот до новиот мост, клучка Шмрика 2, нов мост долг околу 850 метри, вијадукт Крк долг околу 900 метри, пристапен пат од вијадуктот Крк до аеродромот Чвор Риека на Крк, тунел од околу 740 метри и раскрсниците Аеродром Риека и Омишаљ – север.

6

Во рамки на проектот би се проширил постојниот државен пат на островот Крк, од клучката Аеродром Риека до клучката Омишаљ – север.

Возови на долното ниво

Самиот мост би имал сообраќајни ленти за патен сообраќај, но и коридор за пруга која би се протегала до островот Крк.

5

Според претходните проекции, мостот во тој случај би бил на две нивоа. Сообраќајот би функционирал со моторни возила кои сообраќаат на горното ниво, а возовите на пониското ниво.

Новиот мост би се поврзал со автопатот Риека-Загреб преку Св. Кузам и обиколницата Риека.

1

Пругата би завршувала кај новото пристаниште во Омишља, а се планира да се поврзе со идната пруга Риека-Загреб-Ботово, со што ќе се формира ’рбетот на контејнерскиот транспорт од новиот пристанишен терминал на Крк до дестинацијата.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top