Насловна / Архитектура / Објекти како овој им помагаат на селата да останат компактни и јасни

Објекти како овој им помагаат на селата да останат компактни и јасни

Лондонското архитектонско биро Featherstone Young неодамна ја претстави куќата наречена Stonecrop, која ја карактеризира зелен кров.

3_resize

Оваа скулптурална градба во Ратленд, Англија е пример како архитектурата може да помогне во подигнување на интересот за руралните заедници, кој ширум светот се намалува.

2_resize

Објектот кој има две крила поврзан е со опкружувањето како визуелно, така и конструктивно, преку зелениот кров кој под нагиб се спушта до земја. Едното крило содржи простории за сопственикот на куќата, а другото е наменето за гости.

4_resize

За да се намали влијанието на околината, при изградбата е користен локален варовник, а изворите на енергија воглавном се соларни.

Подрачје под заштита

Изградбата на куќата во старт се судрила со потешкотии. Инвеститорот барал од бирото Featherstone Young, да му испроектираат куќа на самиот обод на селото, во подрачје кое е под заштита. Институционално се судриле се потешкотии со локалната управа за планирање.

5_resize

За да ги исполнат поставените услови, архитектите направиле проект во две фази, кои како резултат дале одржлив дом од 347 квадратни метри, што воедно покажува дека и новата градба може да го заштити и подобри своето рурално опкружување.

„Објекти како овој им помагаат на селата да останат компактни и јасни, а воедно и го спречуваат вообичаениот развиток на станбената изградба, кава можеме да видиме по селата“, вели Sarah Featherstone, архитекта и коосновач на Featherstone Young.

6_resize

Штедење енергија

Таа објаснува дека компактен и добро осмислен објект како овој, кој го карактеризира организацијата низ две поврзани крила, помага на понатамошниот одржлив развој на селото. Исто така, објектот со две крила им помага на сопствениците да заштедат енергија. Кога сопствениците немаат гости, можат да го греат само едното крило во кое престојуваат.

Главното крило е дефинирано со тампон ѕид, кои пружа топлина и звучна изолација. Двете крила заедно го „обвиткуваат“ централниот двор, што придонесува на подобро природно осветлување и вентилација, пишува Inhabitat.

7_resize

Големите застаклени делови на фасадата пружаат поглед на градината и околната природа, а палетата од природни материјали во внатрешноста дополнително го поврзуваат ентериерот со опкружувањето.

9_resize 8_resize 10_resize

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top