Норман Фостер ќе гради нов стадион во Катар за ФИФА 2022

Архитектонското студио Foster+Partners победи на конкурсот за најдобар проект за стадионот Lusail во Катар. Стадионот треба да се изгради специјално за фудбалското првенство кое ќе се одржи во Катар во 2022 година. Проектот е инвестиција од Qatari Diar и се планира да се изгради во западниот дел од Катар, 15 км северно од Доха. Инвестицијата е проценета на 45 милијарди долари.

Архитектот Норман Фостер на овој проект ќе соработува со градежната фирма Arup и архитектот Populous којшто е познат по неговиот проект за стадионот за лондонските Олимписки игри во 2012 година. Деталите околу дизајнот не се целосно објавени, но најавено е дека тој ќе има отворен терен и ќе бидат додадени дополнителни системи за ладење кои ќе ја контролираат температурата до максимум 26 степени.