Насловна / Вести / Научници направиле проѕирно дрво користејќи кора од портокал

Научници направиле проѕирно дрво користејќи кора од портокал

Десетици илјади години луѓето се вртеа кон дрвото како градежен материјал што може да им обезбеди цврстина, издржливост, како и ниски трошоци за изградба. Сега дрвото може да обезбеди друга карактеристика – проѕирност.

Имено, научниците од шведскиот кралски институт КХТ произведоа потполно обновлива верзија на проѕирно дрво благодарение на додавањето екстракт од кора од портокал, пишува Advanced Science.

drvo

Бројни истражувања ширум светот спроведени на дрво во последниве години покажуваат како овој материјал може да се модифицира и на тој начин да добие сосема нови својства. Ова вклучува отстранување на полимерот за да се направи проѕирен или додавање на наночестички од полупроводници кои овозможуваат дрвото да свети кога реагира со УВ зраци.

Научниците од шведскиот кралски институт КХТ со години се на чело на истражувањето каде што дрвото е во фокусот, а своето прво проѕирно дрво го претставија во 2016 година. Како и со другите верзии на оваа технологија, сè започнува со екстракција на лигнит, органски полимер кој му дава на дрвото боја, цврстина и можност за апсорбирање на светлината.

drvo1

По оваа постапка, во материјалот остануваат празни пори, кои тимот претходно ги наполнил со синтетички полимери со цел да се добие цврстина и проѕирност. Сепак, научниците сега пронајдоа замена за животната средина во мономер направен од компонента во кора од агруми наречена лимонен.

“Новиот акрилат од лимон е направен од обновувачки цитрус, како отпад што може да се рециклира од индустријата со сок од портокал“, вели водечката авторка на студијата, докторски студент Селин Монтанари.

Овој мономер на акрилат од лимон, кој се користеше за пополнување на празни пори во дрво, му даде одлична оптичка пропустливост од 90 отсто со дебелина на материјалот од 1,2 милиметри, надминувајќи ја претходната верзија на материјалот произведен од тимот.

Новиот материјал има јачина од 174 MPa и еластичност од 17 GPa, поради што тимот истакна дека материјалот може да се користи за поголеми структурни потреби.

Имајќи ги предвид добиените резултати, тимот во моментов разгледува каква може да биде примената на новиот материјал.

drvo2

“Погледнавме каде оди светлината и што се случува кога ќе дојде во контакт со целулоза. Дел од светлината поминува директно низ дрвото и го прави материјалот проѕирен, додека дел од светлината се прекршува и се расфрла на различни агли и дава пријатни светлосни ефекти“, рече професорот Ларс Берглунд.

Проѕирното дрво може да донесе комплетно нови перспективи во дизајнот на зградите, но сè додека тоа не се случи, потребно е да помине уште многу тестови додека портокалот не стане неопходна состојка во рецептот за правење проѕирно дрво.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top