Насловна / Архитектура / Најтесниот луксузен дом во Англија

Најтесниот луксузен дом во Англија

На прв поглед, куќа со ширина од 1,6 метри може да изгледа неупотреблива, меѓутоа, таа не е само функционална, туку и многу луксузна, а за да ја поседувате, треба да издвоите дури 1,1 милиони евра!

Anglija

Сместена во низа викторијански згради во живописното лондонско подрачје на Шепердс Буш, најтесната куќа во Англија се издвојува по својата впечатлива кралска сина фасада. Во зградата некогаш се наоѓала продавница за шешири, а денес е луксузен простор за живеење чија вредност е двојно поголема во текот на последната деценија.

Anglija1

Исклучително малата ширина и должина од само 7,3 метри, барала голема креативност и внимателен дизајн со цел куќата да биде совршено функционална. И според Винкворт, кој е надлежен за продажба на имотот, оваа куќа е како луксузна јахта во која максимално се користи и најмалиот простор.

Anglija2

Пет нивоа од куќата, со мал двор и тераса, нудат доволно простор за удобен живот. Иако не изгледа така, корисната површина на оваа куќа е дури 96 квадратни метри.

Anglija3

Во подрумот има кујна со трпезарија што се отвора кон градината. Оваа просторија, широка 2,7 метри, се наоѓа во најширокиот дел од куќата. За впечаток на поголем простор придонесуваат прозорците на покривот, кои носат многу светлина и белина на sидовите, што обезбедува дополнителна рефлексија.

Anglija4

Приземјето е наменето за модерна просторија за прием на гости, чија ширина е 2,1 метар. Од приземјето, скалило води до работната соба, мала спална соба и тераса.

Anglija5

На следното ниво има бања со гардеробер и посебен тоалет, додека на последниот кат има спална соба со вграден кревет, од каде може да се погледне на катот подолу.

Агентите веруваат дека уникатниот карактер, шарм и оригиналност на куќата ќе привлечат ексцентрични луѓе кои се стремат да живеат во еден простор, наместо во конвенционална куќа.

Anglija6

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top