Насловна / Вести / Најдолгата клупа на светот е направена во Милано

Најдолгата клупа на светот е направена во Милано

Клупата долга 208 метри, која ги руши сите рекорди во оваа категорија, го краси паркот Портело.

milano

Компанијата Weather in Pacchiarini е задолжена за реализација на овој необичен мебел во паркот. Клупата всушност се обвиткува околу вештачко езеро лоцирано во паркот, па затоа делува како негова рамка, пишува Italy24news.

milano1

За конструкцијата на клупата биле потребни 1.800 дрвени летви долги четири метри, а во целиот систем се инсталирани 25 илјади завртки, како и 500 челични ногарки.

milano2

За примарниот материјал е избран американскиот тип на дрво, што се покажа како многу издржлив за изградба на мебел на отворено, секако со понатамошни постапки за одржување.

Ариго Пакијарини, сопственик на компанијата што го спроведуваше проектот, објаснува дека за време на развојот на проектот работел на неколку прототипови, најмногу затоа што формата требало да биде јасно дефинирана, имајќи предвид дека обемот на клупата нема ист радиус на сите точки.

milano3

Фабио Галеси, градски советник за зелени области во Милано, истакнува дека клупата е „мала, но долга архитектонска гордост, за која можеби сите жители на Милано сè уште не се свесни“.

Проектот веќе е награден, а сите посетители на паркот можат да бидат сигурни дека ќе има доволно места за одмор.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top