Најдобрите згради во 2017 година

Во текот на годинава што изминува Ви претставивме многу иновативни концепти на згради кои го привлекоа вниманието на светската стручна и поширока јавност. Во продолжение Ви го презентираме изборот на најдобрите згради во светот во 2017 според порталот за наука и технологија New Atlas. Во нашата рубрика  “Архитектура“, во изминатиот период биле претставени речиси без исклучок истите овие објекти, а линковите до соодветните написи исто така Ви ги обезбедуваме во продолжение.

Lego House – BIG

Соработката помеќу компанијата LEGO  и  Bjarke Ingels Group (BIG) резултираше во прекрасен објект во „родното место“ на LEGO во Данска. Нашата сторија за овој објект погледнете ја ОВДЕ

 

Zeitz MOCAA – Heatherwick Studio

Heatherwick Studio  во последно време е на мета на јавноста поради неуспехот и лошо замислената идеја на проектот „Garden Bridge“, но компанијата се врати на „нозе“ со еден од своите најуспешни проекти во историјата  – „Zeitz MOCAA“. Музејот на современата африканска уметност во Кејптаун е изграден под конструкцијата на силос за жито од 1920-тите години.

 

KAPSARC – Zaha Hadid Architects

И покрај нејзината ненадејна смрт, компанијата на Заха Хадид продолжи со истото темпо и со извонредните резултати. Најновиот успех е зградата на  „KAPSARC“ (King Abdullah Petroleum Studies and Research Center ), непрофитната институција задолжена за истражување на поефикасна употреба на енергијата во Саудиска Арабија. Се работи за хексагонална призматична конструкција во облик на саќе која максимално е заштитена од прекумерно сончево зрачење и обезбедува природна вентилација. Нашиот претходно објавен напис за проектот прочитајте го ОВДЕ

 

CTF Finance Centre – KPF

Земјата во која се наѓаат војниците од теракота (Terracotta Army) воедно е и место каде се наоѓа највисоката кула од теракота на светот. Kohn Pedersen Fox Associates го проектираа „CTF“ финансискиот центар во Гуангџо во Кина. Овој облакодер висок 530 метри се смета за петта највисока зграда на светот. Зошто е користена теракота? – KPF се осврнува на нејзината употреба низ историјата, и ја истакнува нејзината еколошка прифатливост и предност во однос на алуминиумот, стаклото или челикот.

 

La Seine Musicale – Shigeru Ban

Shigeru Ban  кој е познат по користењето на ефтини материјали со кои градеше засолништа за бегалци, но неговата „La Seine Musicale“ во Париз, потсетува дека овој познат архитект е совршено способен за големи и скапи проекти.  Повеќе на линкот ОВДЕ

 

Bamboo Sports Hall – Chiangmai Life Architects

Бамбусот е изненадувачки цврст градежен материјал со кој може брзо ефтино и одржливо да се гради. Неретко може да се искористи и за раскошно убави објекти како на пример оваа спортска сала во рамките на Panyaden International School  на Тајланд. Повеќе детали ОВДЕ

 

American Copper Buildings – SHoP Architects

„American Copper Buildings“ се згради на Менхетн во Њујорк кои ги проектираше компанијата SHoP. Покриени се со 1,9 милиони kg бакар кој веќе почнува да создава патина. Овие луксузни резиденцијални објекти се накривени еден кон друг, па изгледаат како да танцуваат. Поопширно за овој објект сме пишувале ОВДЕ

 

Apple Park – Foster+Partners

Иако објектот е веќе во употреба, сеуште е мистерија кога „Apple Park“ ќе биде целосно комплетиран. Ова импресивно инженерско достигнување го проектираше компанијата Foster + Partners. Повеќе за овој објект прочитајте ОВДЕ

 

Copenhagen International School – C.F. Møller Architects

Соларните панели често се сметааат за непривлечни додатоци на објектите и истите се скриени надвор од погледите. Меѓутоа компанијата C.F. Møller  го проектираше училиштето „Copenhagen International School“ сосема во спротивност со ова убедување, бидејќи кај овој објект токму соларните панели се главната карактеристика. Повеќе информации за овој објект ОВДЕ

 

Louvre Abu Dhabi – Jean Nouvel

За изградбата на „Louvre Abu Dhabi“ според проектот на францускиот архитект Jean Nouvel, потребни беа над 10 години и неколку стотици милиони долари. Комплексот е составен од 55 одвоени згради и замислен е како уметнички архипелаг до кој може да се дојде и од копно и од вода. За повеќе детали погледајте го нашиот напис  ОВДЕ