Најдобриот хотел во светот за 2025 година се наоѓа во срцето на Африка

Луксузот повеќе не живее на рајските острови или во пентхаусите на европските метрополи.

Според најновото рангирање на престижното списание Travel + Leisure, најдобриот хотел во светот за 2025 година се наоѓа таму каде што никој не би го очекувал – меѓу дивите савани на Кенија, опкружен со слонови, лавови и незаборавни африкански зајдисонца.

andBeyond Bateleur Camp – Maasai Mara, Кенија

Иако многумина сè уште сонуваат за Малдивите, Париз или Хаваите, најновата листа „World’s Best Awards 2025“ ги менува правилата на играта. Илјадници искусни патници гласаа за своите омилени хотели низ целиот свет, оценувајќи ја локацијата, услугата, гастрономијата, удобноста и односот цена-квалитет. Резултатот? Апсолутно изненадување – првото место го зазеде andBeyond Bateleur Camp, луксузен сафари камп скриен длабоко во националниот резерват Maasai Mara.

andBeyond Bateleur Camp – Maasai Mara, Кенија

Овој ексклузивен камп со само 19 луксузно уредени шатори, инспирирани од локалната естетика и природата, им нуди на гостите уникатно искуство – пливање под ѕвездите, набљудување слонови од приватна тераса и персонализирана услуга што може да парира на најдобрите хотели во Париз или Њујорк. Во сето ова, клучна улога игра и познатиот готвач познат како „Magic“ Џексон, кој секојдневно креира мени според желбите на гостите.

andBeyond Bateleur Camp – Maasai Mara, Кенија

Топ 3 хотели во светот – од Кенија до Истанбул и Замбија

На второ место, вистинско изненадување за туристите од регионот – Raffles Istanbul, софистициран хотел во срцето на европскиот дел на Истанбул, кој го реинтерпретира ориенталниот луксуз на современ начин. Хотелот нуди 185 елегантни соби со поглед на Босфор, 24-часовна услуга од батлер и уметнички детали во секој агол.

Raffles Istanbul

Третото место му припадна на прекрасниот хотел Mfuwe Lodge во Замбија, кој стана познат по своите необични гости – слонови кои минуваат низ лобито за време на сезоната на миграција!

Mfuwe Lodge во Замбија

Европски хотели на листата

Покрај Raffles Istanbul, високо котираат и Fauchon L’Hôtel во Париз, бутик хотел во розови тонови во близина на Place de la Madeleine, како и Grace Hotel на Санторини, кој нуди спектакуларен поглед на калдерата и незаборавни зајдисонца. Во Италија, вниманието го привлекува Castelfalfi во срцето на Тоскана – луксузен имот со сопствени лозја, езеро и средновековно село.

Топ 10 најдобри хотели во светот за 2025 година

1. andBeyond Bateleur Camp – Maasai Mara, Кенија – 100.00
2. Raffles Istanbul – Истанбул, Турција – 99.91
3. Mfuwe Lodge, The Bushcamp Company – South Luangwa NP, Замбија – 99.73
4. Fauchon L’Hôtel – Париз, Франција – 99.53
5. Kilindi Zanzibar – Занзибар, Танзанија – 99.50
6. The Vines Resort & Spa – Мендоза, Аргентина – 99.50
7. Joali Maldives – Raa Atoll, Maлдиви – 99.46
8. La Casa de la Playa – Playa del Carmen, Meксико – 99.40
9. Primland Resort, Auberge Resorts Collection – Вирџинија, САД – 99.40
10. Nay Palad Hideaway – Siargao, Филипини – 99.37