На Швајцарците кои ќе имаат претопли домови им се заканува и затвор

Граѓаните на Швајцарија кои ги кршат владините директиви во екот на недостаток на гас во земјата и ги одржуваат своите домови на температура над 19 степени Целзиусови во зима, би можеле да бидат парично казнети, но дури и кривично да бидат процесуирани за намерно кршење на правилата за штедење. Во тој случај им се заканува и казна затвор до три години.

Швајцарија на 31-ви август покрена национална кампања за спречување на пркините во снабдувањето со електрична енергија и природен гас во текот на претстојната зима. Мотото на кампањата е „Енергијата е ограничена – да не се расфрламе“. Владата изработила и акциски план за решавање на недостатокот на гас, вклучувајќи и квоти за потрошувачката на природен гас. Исто така се повикува и на доброволно намалување на потрошувачката на природен гас за 15% во периодот од октомври до март. Од своја страна, швајцарските агенции за спроведување на директивите се подготвуваат за “вонредни сценарија“ во случај на целосен прекин на електрична енергија.