Насловна / Архитектура / На повидок спас од пеколот

На повидок спас од пеколот

Сликата од сообраќајниот колапс пред Клиничкиот центар „Мајка Тереза“ ќе ја гледаме уште долго. Таа ќе стане уште пострашна со пуштањето на проблематичниот регионален пат од Сончев Град и Општина Сопиште преку зелените падини на Водно, од каде како цунами ќе се слеваат нови илјадници возила кон улицата „Мајка Тереза“ (Водњанска) и центарот на Скопје.

20180321113602_4H5A9757
Веројатно нема фамилија од Скопје, па и Македонија, која не доживеала шокови при доаѓањето за медицински услуги и посета во болниците на Клинички центар, минувајки низ сообраќајниот хаос на влезот, битпазарскиот амбиент по сокаците, калкутската нехигиена, турканиците по ходниците, чекалните и здравствените единици. За загадениот воздух / на врвот во светски размери / па и за медицинските услуги кои многу често се под можните европски критериуми, нема потреба од коментар.

20180320091909_4H5A9704
Во светски рамки, непишано / некаде и пишано / правило е по педесетина години користење, медицинските центри од овој карактер да се затвораат и целиот тој простор да се ДЕКОНТАМИНИРА и пренаменува. После седумдесетина години нашиот Клинички хорор центар е вистински срам за држава што претендира да биде дел од Европа и европскиот здравствен систем. Кога на сè ова ќе се додадат проблемите со изведба на НКЦ во кругот на постојниот, со неизбежна голема интервенција на седумте постојни болници и инфраструктурата, особено подземната, која е пред распад, единствен е заклучокот. НЕ Е МОЖНА изведба на нормален Нов Клинички центар (НКЦ) на постојната локација. Изведбата би била скоро невозможна мисија. Стотиците градежни машини, миксери, кранови, ужасот од прашината и буката при изведбата би довело до многу нови предвреме изгубени животи , нови НЕУСЛОВИ за пациентите и пеколна атмосфера на целата околина на Клинички во тек на наредните 5, 6… години изведба. И повторно сообраќајното решение и проблемот со паркиралишта останува постојана рак-рана, бескраен нерешлив јазол.

20180320092119_4H5A9709
Ова е за прв пат после многу години стручната фела (архитектонско-урбанистичка, сообраќајна, медицинска, па и од други области) да ги наметне СТРУЧНИТЕ ДОМИНАНТНИ аргументи од потребата за бегство од постојниот КЦ, пред политикантските, но и други интереси.
И сигурни сме дека овој пат сиромавиот ќе плати само еднаш за да го добие вистинското за овој милениум.

20180321113604_4H5A9759
И конечно и не така неважно, ова треба да биде гринфилд инвестиција и можност нашето градежништво заедно со светското (проектантско, технолошко и медицинско), да биде во игра да го подигне своето запоставено ниво на технолошки развој. Ова е огромна шанса на оваа генерација политичари, проектанти, градежници, медицинари, машински инженери и сите други од технички, но и од хумани науки, да направат нешто трајно за сегашниве, но и идни генерации. Ова е шанса Скопје да стане и регионален медицински центар што е еден од најголемите бизнис-предизвици за државата.
На наредните страници Порта 3 ви ги претставува ставовите на стручната фела која учествуваше во разработка на досегашните, се надеваме и идни решенија за Нов Клинички центар – НКЦ.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top