Мурал во Ровињ –Тито се сонча во гаќи за капење

Муралот во Ровињ на поранешниот доживотен претседател на СФР Југославија, Јосип Броз Тито, кој се сонча во гаќи за капење, предизвика големо внимание. Муралот е дело е на уметникот Борис Баре.

„Муралите се создадени во склоп на Ритеил паркот во Ровињ. Темата беше „Лето и Ровињ“, а како дел од околу педесетина мурали на еден го насликав Тито како се сонча и ужива под палмите на Бриони. Муралот нема никаква политичка порака, но сакав да покажам лагоден живот и среќа. А бидејќи Тито помина голем дел од својот живот на Бриони, ми дојде идеја да го направам тој мурал на еден дел од ѕидот“, изјави Борис Баре.