Модерна библиотека скриена во напуштена гаража за возови

Во библиотеката LocHalu можете да се научат врвни гастрономски трикови, да се читаат книги или да се организираат настани. Сето ова е во место каде што пред многу години спиеле локомотиви.

Старото индустриско место во холандскиот град Тилбург, повеќе од 80 години работел како гаража за возови, а во почетокот на оваа година доби целосно нова намена. Денес тоа е огромна јавна библиотека со бескрајна низа на полици за книги, амфитеатар, кој добива над 1.000 посетители и голем галериски простор. LocHal зафаќа седум илјади квадратни метри, а за неговото реновирање се погрижиле дизајнерите од холандското студио Civic Architecture.

Иновативната организација на оваа огромна област доведе до создавање на интересни сектори и простор за одржување на едукативни работилници од различни видови. Во таа смисла, важно е да се забележи дека зградата сега е отворена за сите граѓани. Во овој простор се доведува одредена доза на топлина благодарение на големите завеси што се протегаат од подот до таванот во висина над 15 метри. Овие завеси се движат со моторизиран систем и на тој начин го делат просторот во различни интимни зони. Исто така може да се поместуваат и полиците со книги.

Главниот предизвик при дизајнот на библиотеката било решението на системот за греење, бидејќи сепак станува збор за голема сала што е исклучително тешко да се загрее. Дизајнерите ова го имаат решено на тој начин што просторот го имаат поделено на пет одделни климатски зони, секоја со посебно загревање.