Насловна / Архитектура / Медитеранска куќа како скулптура на современа уметност

Медитеранска куќа како скулптура на современа уметност

Сместена на стрмен, карпест рид покриен со медитеранска вегетација, на шпанскиот остров Мајорка, проектирана е куќа наречена „Can Caniis“, потпишана од архитектонското студио „Architectures Caballero Colon“. Оваа вила се простира на површина од 240 квадратни метри и е проектирана како четири скулптурални кутии наредени под агол, една над друга како тетрис. Она што ја прави оваа куќа уште попосебна се прозорците низ целата ширина на овие „кутии“ кои го истакнуваат погледот кон заливот Каниамел, правејќи ја архитектурата на вилата и нејзиниот пејзаж испреплетени како неразделна целина.

12_resize

Биоклиматски паметна, вилата се состои од полуподземен дел кој помага во одржување на пониска, внатрешна температура. Дополнително, позиционирањето на „кутиите“, прозорците и фасадните материјали, заедно со мала внатрешна тераса, овозможува создавање на разлика во притисокот за да се создаде лесно ветре од свеж воздух низ целата куќа.

11_resize

До вилата на ридот се пристапува на два начина: со кривулести скали или со користење на лифт во подножјето кој води директно до главниот влез.

Веднаш штом ќе се премине влезниот праг на оваа куќа, станарите ги дочекува првиот поглед на прекрасниот залив, кој е врамен, како слика, со прозорците на трпезаријата и дневната соба. Овие прекрасни погледи се константа што ја карактеризира секоја просторија од куќата.

3_resize

2_resize

1_resize

Сите прозорци во овој дел од куќата се подвижни, трансформирајќи ја дневната соба и трпезаријата во надворешен простор, од каде што може да се пристапи до прекрасниот infinity базен.

Трпезаријата ја красат маса од дрво јасен и плетени столови кои се само едно парче мебел со чисти и едноставни линии, од кои многу по мерка ги дизајнирале архитектите.

4_resize

Материјалите на ѕидовите во ентериерот се движат од бел варов малтер до локален блед песочник познат како mares – модерна интерпретација на традиционалните шпански бетонски плочки. На првото ниво на куќата, веднаш до трпезаријата и дневната соба, е и кујната, оставата, и спалната соба со сопствено купатило.

6_resize

Украсена со цементни подни плочки кои ги отсликуваат нијансите на пејзажот, кујната добива бои карактеристични за архитектонската традиција на островот. Кујнските елементи се во бело, како и кујнскиот остров, кој може да се трансформира во бар-маса.

5_resize

За шармот на оваа просторија придонесува и дрвото кое било таму пред изградбата на вилата, а е зачувано и врамено со стаклен ѕид и се протега низ целата висина на куќата.

9_resize

Посебната карактеристика на спалните соби се состои од сопствена туш кабина, оградена со стаклени sидови, како и минимални елементи мебел кои слободно се дистрибуирани во просторот и овозможуваат уживање во пејзажот од која било точка на собата. Белите завеси се поставувени околу туш кабината за да се постигне потребната интимност.

7_resize

До второто ниво на куќата се пристапува по скалите до влезната врата, каде има уште две спални соби со сопствено купатило. Во ходникот на второто ниво, подовите се дрвени, додека за спалните соби архитектите избрале микроцементен под.

Главната спална соба на второто ниво има волшебен поглед на заливот преку прозорец со ширина на целата просторија, додека од страната има помали прозорци кои овозможуваат свеж воздух и ветре за време на спиењето.

8_resize

Во согласност со дизајнот на ентериерот, од другата страна на спалната соба, креирана е бања од отворен тип, која обезбедува доволна слобода, но и неопходна интимност на туширање под отворено небо.

Caballero Colon Architects за оваа куќа освоиле прва награда на Global Future Design Awards, Architecture MasterPrize и S.Arch Awards 2020 во категоријата резиденцијална архитектура.

10_resize

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top