Насловна / Вести / „Mango Teen“ продавницата ги претвора тинејџерските соништа во реалност

„Mango Teen“ продавницата ги претвора тинејџерските соништа во реалност

Шпанското архитектонско биро Masquespacio спровело детална анализа на клиентите, односно девојчиња и момчиња на возраст од 11 до 13 години, со цел да се најде врската помеѓу дизајнот на објектот и начинот на живот на тинејџерите.

2_resize

Преку претходни тестирања спроведени од интерниот тим на Манго, се покажало дека употребата на боја е истакната како еден од најрелевантните начини да се доближат до тинејџерите, па на овој аспект се фокусирале и архитектите од Masquespacio.

1_resize

Свет од соништата за тинејџери

„Најдоброто нешто кога си тинејџер е тоа што секогаш живееш во свет полн со соништа и свет полн со работи што допрва треба да ги откриеш. Тоа е возраст кога почнувате да сонувате големи соништа, не земајќи ги предвид границите“, изјави архитект Ана Хернандез за ArchDaily.

11_resize

Имајќи го ова на ум, новата продавница „Mango Teen“ се етаблира како свет на соништата со своите различни перспективи и различни неповрзани елементи, исто како кога сонуваме.

Така на ова место соништата се претвораат во јаве, преку елементи на дизајн кои си играат со умот и ги повикуваат корисниците на интеракција со предметите што ги опкружуваат, доведувајќи го светот на метаверзумот во реалност.

3_resize

На самиот влез во првата продавница „Mango Teen“, која е отворена во Барселона, се наидува на тунел со позадинско осветлување кој, според зборовите на Ана Хернандез, носи во иднината каде што конвенционалните елементи од минатото се сметаат за футуристички за новите генерации.

9_resize

Машина за перење за рециклирање

Базен, рецепција во хотел и машина за перење се некои од некохерентните елементи, кои ги повикуваат тинејџерите да влезат во универзум каде на предметите им се дава нова употреба, давајќи им можност да ја ослободат својата имагинација и да го искористат просторот на свој начин.

4_resize

Така, базенот се користи како изложбен елемент, рецепцијата е место за плаќање и подигање на робата, додека машината за перење помага да се рециклира старата облека.

5_resize

Што се однесува до развојот на пратечките елементи, како што се полици и регали, архитектите преку нивниот дизајн сакале да создадат предизвик и да ги постават во контраст вообичаените форми што се користат за нив, создавајќи игра помеѓу прави и органски линии, со што се стремат да го направат просторот родово неутрален.

7_resize

Продолжувајќи со концептот за претворање на конвенционалното во нешто надреално, две типологии на завршни обработки се користени за примена на бојата.

Од една страна, конвенционална мат завршна обработка, а од друга страна, рефлектирачката боја, создаваат необична комбинација која е поврзана со футуристичкиот допир на флуоресцентното.

10_resize

Сеопфатен дизајн за незаборавно искуство

Концептот не ги заобиколил ниту гардеробите, каде што има елементи со оптички ефект што ја искривуваат реалноста.

Секако, новата продавница Mango Teen е дизајнирана сеопфатно за да го направи искуството на купување незаборавно и приспособено на тинејџерскиот начин на живот.

6_resize

8_resize

12_resize

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top