Насловна / Вести / Љубљана ќе биде град со нула отпад

Љубљана ќе биде град со нула отпад

Љубљана е првиот град во Европа кој обврза да стане град со нула отпад. Но, пред 15 години, целиот отпад завршувал директно на депонија.

Се почна во 2002 година со одвојување на хартијата и стаклото во посебни контејнери. Четири години подоцна, градот почна со собирање на биоразградливиот отпад од врата на врата. Одвојувањето на био-отпадот треба да стане задолжителен процес низ земјите од Европа до 2023 година, но Љубљана предничи пред нив веќе две децении.

Во 2013 година, секое домаќинство во градот доби канти за рециклирање на хартија, а закажаните термини за собирање на преостанатиот отпад беа преполовени, принудувајќи ги луѓето поефикасно да го селектираат отпадот.

Ljubljana

Резултатите беа импресивни. Во 2008 година градот рециклирал само 29.3 отсто од создадениот отпад, заостанувајќи зад остатокот од Европа. Денес тој број изнесува 68 отсто, а на депониите завршува речиси 80 отсто помалку ѓубре. По глава на жител во словенечкиот главен град моментално се создава 115 килограми отпад.

Развојот на најсовремената фабрика во Европа за третирање на биолошкиот отпад беше голем чекор кон исполнување на заложбите на градот за минимум стапка од 75 отсто за рециклирање до 2025 година.

Ljubljana1

Регионалниот центар за управување со отпад е отворен во 2015 година, а денес опслужува четвртина од цела држава. Користи природен гас за да произведе сопствена топлина и електрична енергија, обработува 95 отсто од преостанатиот отпад во материјал за рециклирање и цврсто гориво, а враќа помалку од 5 отсто назад на депониите.

Регионалниот центар е толку популарен што има повеќе од 1.000 посети дневно. Градот планира да изгради уште најмалку три такви центри, со уште 10 помали центри во погусто населените области.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top