Куќата Casa Candelaria во Мексико

Куќата Casa Candelaria е сместена на периферија на San Miguel de Allende во Мексико. Проектот на архитектите од мексичкото биро „Cherem arquitectos“ е со идеја, програмата на објектот да се врати кон мексичките хациенди и да ја реши куќата околу двор, кој и самиот содржи активности кои претставуваат тензија и однос помеѓу функцијата на волумените кои го опкружуваат.

Клучната намера при развојот на дизајнот била одлуката да се користи древната метода, на шпански позната како „tapia“, со која ѕидовите се направени со природен агрегат, во овој случај околната земја, кој овозможува црната земја да стане тонирана, барајќи интеграција и мимикрија со околината во која е замислено главниот елемент надвор да биде вегетацијата.

Волуменски, куќата секоја од областите ја решава самостојно, создавајќи блокови од црна земја, каде преовладува стаменост и отвори кон природата, преку празнини кои почнуваат од подот  до висина од 2,44 метри, каде приватноста и контролата на светлината ја даваат дрвени ролетни и подвижни плочи кои создаваат отвори и потполна интеграција со надворешниот простор.

Програмски, проектот се простира на површина од четири хектари и се состои од матична куќа, голема куќа; уште една помала куќа, куќа за гости, клубска куќа, куќа за домар и стаза за џогирање долга еден километар, која го следи целиот проект, отстапувајќи ги своите активности на трасата, размислувањата и поминувајќи помеѓу волумените кој го прават целиот објект.

Објектот се состои од 12 волумени, кои се организирани околу два големи двора, кои ја делат јавната и приватната површина на објектот со површина од 930 квадратни метри и 630 квадратни метри надворешен простор, помеѓу дворови, тераси, базени и градини и два вантрешни ходника кои протекуваат кон надворешниот простор.

Материјалите кои се користени се ѕидови добиени со техниката„tapia“, дрво и археолошки камен на отворено и помала количина бетон, железои и керамички плочки.