Куќа од плексиглас поставена во Бруклин

Како дел од њујоршкиот фестивал за уметност DUMBO Arts Festival, скулпторот Том Фруин ја постави својата позната инсталација – куќа направена од плексиглас Kolonihavehus, во паркот во близина на Бруклинскиот мост. Иако фестивалот заврши на 28 септември, оваа прекрасна инсталација ќе остане на ова место уште осум месеци. Шарената куќа е осветлена од внатре, со што добива необична разнобојна магија.

Том Фруин е американски скулптор најдобро познат по неговите инсталации и скулптури направени од рециклирани и отфрлените материјали, кои ги поставува ширум светот. Неговата серија на скулптури и архитектонски изданија направени од шарени парчиња плексиглас и челик ги почна токму со куќата Kolonihavehus во 2010 година за првпат поставена во Копенхаген.