Клучка „ноќна мора“ (Видео)

Новоотворената клучка на пет нивоа, на автопатот на периферијата на градот Чонгџинг, метропола во југозападна Кина, веќе ги доведува возачите до очај. Тие се чувствуваат изгубено во овој бетонски лавиринт, налик на порција шпагети, јавува France Presse. Изградбата на клучката траела осум години. Највисоката автомобилска лента се наоѓа на височина од 37 метри и има 15 излези.

Еден службеник од градскиот уред за урбанизам изјавил дека комплексниот проект бил неопходен поради поврзувањето на центарот на градот со аеродромот и автопатот, при што секој излез на клучката води во различна зона на градот. Оваа навигациска „ноќна мора“ брзо го запали Интернет, па можат да се најдат многу досетливи коментари на социјалните мрежи.