Насловна / Вести / „Климатскиот парк“ во Копенхаген го чува градот од поплави

„Климатскиот парк“ во Копенхаген го чува градот од поплави

Копенхаген како крајбрежен град е често на удар на бури, а во последните години, како последица од климатските промени, временските непогоди пропратени со големи количини на дожд, стануваат зачестена појава и предизвикуваат големи поплави. Големиот „климатски парк“ во овој град е дизајниран така што во текот на временските непогоди може да складишти над 22 милиони литри вода, и на тој начин да ги спречи поплавите на улиците и преоптоварувањето на канализационата мрежа.

Паркот е изграден во дваесетите години на минатиот век, а репроектиран е со цел во резервоарите да можат да се складиштат големи количини на вода. Со оглед дека се наоѓа на височинка, одлучено е да се направат насипи од трите страни на паркот, кои служат како ѕидови на базенот. Четвртата страна се наоѓа на највисокиот дел, и таа е отворена со цел на тоа место водата да може да продре во паркот и тука да се задржува.

copengahen1

copenhagen2

copenhagen3

На насипот се поставени капии кои во текот на убавото време служат како влез во паркот, а автоматски се затвораат во случај на голема бура. Делови од паркот, како што се терени за голф и хокеј, се вкопани неколку метри, па и тие можат да служат како резервоари за вода. Во оној момент кога канлизацискиот систем е подготвен да прими поголеми количини вода, капиите се отвораат и водата полека истекува. Со оглед дека овој систем се покажал како многу ефикасен, Копенхаген планира уште 300 слични проекти. Но, и други градови разгледуваат воведување на сличен систем. На пример Ротердам има плоштад кој во суви денови служи како кошаркарско игралиште, а во дождливите денови станува базен за акумулирање на вода. Кога во градовите нема површини кои би можеле да се „претворат“ во резервоари за вода, добро решение се бариерите против поплави.

copenhagen4

copenhagen5

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top