Јапонскиот павилјон на Еxpo 2020 Дубаи, долга историја на вкрстување со културата на Блискиот Исток

Фокусиран на темата поврзување, Јапонскиот павилјон на Еxpo 2020 Дубаи развива геометриска 3Д решетка инспирирана од заедништвото на традиционалните јапонски и арапски примери. Проектиран од архитектицата Yuko Nagayama од истоименото биро, павилјонот на различни архитектонски начини ги открива сличностите помеѓу Јапонија и Блискиот Исток.

Тридимензионалната фасада ги комбинира моделите на Arabesque и Asanoha, а исто така се повикува и на традиционалната јапонска уметност на оригами. Структурата што го обвиткува павилјонот е исто така референца за јапонската уметност на пакување подароци Origate.

Во согласност со акцентот на Еxpo 2020 Дубаи на одржливоста, системот за ладење на павилјонот вклучува еколошки техники инспирирани од традициите на двете култури. Тенкиот материјал на фасадата кој наликува на јапонска хартија, го штити павилјонот од директна сончева светлина, додека плиткиот базен со вода пред зградата помага да се разлади просторот.

Јапонската тема на павилјонот е „Join.Sync.Act.“, ги поттикнува посетителите да ја откријат уметноста, културата и технологијата на нацијата која ќе биде домаќин на следната изложба во Осака во 2025 година.

Јапонците нагласуваат дека умеат да почитуваат, дека уште од дамнешни времиња, влијанијата кои доаѓале вон гранците на нивната земја, играле клучна улога во развојот на јапонската култура и учење, бидејќи идеите од надвор се прифатени и реинтерпретирани за да се создаде нешто ново и единствено јапонско.

Организаторите на павилјонот велат: „Одејќи кон иднината, Јапонија ќе продолжи да биде место каде што се среќаваат идеи од целиот свет. А со здружување на овие идеи за да поттикнат нови иновации, Јапонија ќе работи на создавање подобро утре“.