Изложбата „Louis Vuitton Objets Nomades“ во Хонг Конг

Продолжувајќи ја својата колекција Objets Nomades, Louis Vuitton пристигна во Хонг Конг за да организира изложба на својот мебел и други парчиња инспирирани од патувања.

Сместена во зградата Pedder Building, реномирана и историска знаменитост во срцето на Централен Хонг Конг, настанот од 25. март до 8. април 2021., се одвиваше во серија простории, создадени од бирото за архитектура NC Design & Architecture (NCDA), како реинтерпретација на историските дворци пронајдени низ градот.

Изложбата вклучуваше широк спектар на дизајн за славење на наследството на брендот Louis Vuitton, со детали како што е LV класичниот монограм. Прикажана во разнобојниот простор, создаден од NCDА, оваа изложба е интересна за љубителите на уметноста и дизајнот, но и за љубителите на брендот Louis Vuitton.

Кога станува збор за најинтересните парчиња, изложена беше колекцијата Zanellato / Bortotto landerne, исто така претставени новите Objets Nomades, како масата Anemone Ateliera Biagetti и реинтерпретација на постоечките, култни парчиња во неочекувани нови тонови. А во просторот можеа да се видат и резултатите од соработката со современиот уметник Wing Shy, чии фотографии ги красеа ѕидовите.

Лансирана во 2012 година, колекцијата „Louis Vuitton Objets Nomades“ е постојано проширување на серија колекционерски предмети, која ги комбинира дизајнерските вештини на светските дизајнери. Споделувајќи чувство на интуитивност, желба и задоволство, „Louis Vuitton Objets Nomades“ ја развива традицијата на убаво изработени парчиња инспирирани од патувања преку разновидни, современи визии.