Насловна / Архитектура / Интерполација во Загреб која ги поместува границите на естетиката и функционалноста

Интерполација во Загреб која ги поместува границите на естетиката и функционалноста

Рибњак е прилично стар дел на Загреб, со неколку згради од социјализмот кои не ја нарушуваат хармонијата на уличните згради, но неодамна го привлече вниманието со храбро архитектонско решение на зградата која доминира на улицата со својата црна, впечатлива фасада и впечатливи жолти прозорци.

5

Зградата имаинтересен тајминг и уште поинтересна приказна. Имено, во средината на 2019 година, инвеститорот, компанијата „Мешиќ Ком“ купила мала куќа на улицата „Медвешчак“, во која бил сместен клубот „Фанатик“, познат на загрепските љубители на забави, и на негово место решил да изгради нова зграда.

2

Деветнаесет станови на пет ката

Во Загреб инвеститорите често се одлучуваат за иновативни и смели решенија, па „Мешиќ Ком“ го ангажирале архитектот Давор Матековиќ и неговото биро „Проарх“ и резултатот е визуелно одличен.

Црна фасада со ритмички наизменично поставени прозорци кои се истовремено и, всушност, влезови на терасите, кои одлично се вклопуваат – во жолта боја.

Од зградата кон паркот и катедралата „ѕиркаат“ 19 станови на пет ката, додека на приземјето има деловен и комерцијален простор за т.н. „тивка активност“, со други зборови – нема да има кафулиња или клубови.

1

Матековиќ вели дека целта му била максимално да ја отвори зградата кон паркот и катедралата, но во исто време да ги заштити станарите од надворешни влијанија. Неговата цел, продолжува тој, била да ги помири желбата за живот во центарот и желбата за интимност и мир, кои често се косат едно со друго.

Дневните соби во сите 19 станови се свртени кон улицата, а спалните соби се сместени така да гледаат кон дворот, помирната и потивка страна.

„Едноличноста на мазната стаклена површина ја реметиме со тераси – еркери кои излегуваат од стаклениот фронт како коцки од метална мрежа“, вели архитектот, кој истакнува дека целта била да се зачува односот кон зеленилото.

3

Пентхаус од 190 квадратни метри

Интересно е што, за разлика од типичните згради, каде што се градат голем број мали станови со многу малку гаражи, овде на 19 станови има дури 43 паркинг места, во подрумот.

Овој не толку чест пример за одлична интерполација, користи модерен архитектонски јазик, но потсетува на традицијата, типични елементи на загрепската архитектура на Горниот Град – еркери кои се поедноставени и модерно интерпретирани.

Зградата има пентхаус од 190 квадратни метри на горниот кат, додека останатите станови се од 100 до 150 метри квадратни, што се впечатливи бројки кои овозможуваат удобно живеење – четирисобните се најмали, а има и петособни и шестособни станови. Сите станови се опремени со смарт систем.

Цената на квадратен метар во оваа зграда неофицијално достигна 8.000 евра.

4 6 7 8 9 10

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top