Насловна / Арт и дизајн / Gucci Décor: Бидете кустос на вашиот животен простор

Gucci Décor: Бидете кустос на вашиот животен простор

Зошто само би носеле италијански луксуз, ако може да се живее со него?

Креативниот директор на прославениот бренд Gucci, Алесандро Микеле, верува дека индивидуалниот израз преку дизајнот не познава граници. Во светот на Gucci, можностите кои постојат за комбинирање бои, форми и модели се бесконечни. За Микеле, секоја креација е нова можност да дизајнира она што го меша наследството со самоизразување, секогаш инспирирано од жестоката и екстравагантна страна на природата.

4_resize

Новата колекција на Gucci Décor не е исклучок, бидејќи Микле носи избор на парчиња кои луѓето ги прават вистински кустоси просторот за живеење.

0_resize

Домашната колекција го отелотворува заштитниот знак на облеката Gucci и создава простор каде што е можно не само да носите италијански луксуз, туку и да живеете во него. Секое парче ги претставува карактеристичните елементи на брендот, без разлика дали се работи за GG модел, мотиви на пчели и sвезди.

7_resize

Gucci Décor претставува и садови создадени со иста посветеност како и оброците во домовите каде што храната е причина за собирање и дружење. Порцеланските тањири произведени од фирентинската компанија Ginori 1735, се резултат на детална и специјализирана изработка која вклучува рачно насликани релјефни печатења на Хербариум штампа и други сложени процеси.

2_resize

Останатите садови содржат примероци од Odyssey и Star Eye. Во опсег на бои, претежно зелена и жолта, разните парчиња за маса се надополнети со сребрен прибор за јадење, кој исто така го следи специјалното производство со повеќе од 20 фази. Комплети вилушки и лажици, кои можат да се персонализираат, содржат мотиви на Gucci кои се повторуваат, како што се пчели или познати глави на лавови.

9_resize

8_resize

Врската помеѓу креативната слобода и деталната изработка е суштината на секоја колекција на Gucci Décor. Од таа причина, комплетите за јадење не се единствените предмети кои ја слават уметничката способност на она што е рачно изработено и произведено во Италија. Свеќи, со различни ароми, изработени се од обоено стакло, слично на садовите во аптеките од крајот на 19 и почетокот на 20 век, направени од традиционално дувано стакло на Мурано во Венеција.

1_resize

Различните предмети исто така имаат златни акценти или пишани зборови, предизвикувајќи моќна и романтична естетика која се протега на мебелот и ќебињата. Внесувајчи го секој гостин во атмосфера на топла фантазија полна со удобност, Микеле користи различни текстури и ткаенини за да создаде мебел кој станува идеално парче за секој еклектичен дизајн.

5_resize

Мебелот од жакард ткаење, свила и лен прикажува наменски мотиви на Gucci како октопод, медуза, мачка и графика „V“, кои се издвојуваат на површините главно во црна, сина, розова, зелена, жолта боја – се во интензивни и длабоки тонови. Колекцијата користи и контрастни детали, како што се плетени реси на ќебиња, украси од месинг или детали за фотелји. Исклучителноста на столарската работа се огледува во склопувачките дрвени маси и другите делови од мебелот.

12_resize

Конечно, целата домашна композиција во стилот на Gucci кулминира со екстравагантни таписерии со цветни и геометриска графика, кои се можни само преку долготраен процес на дигитално печатење поради големиот број бои.

14_resize

За да го искористи дополнително симболичкото значење на богатото портфолио на Gucci, Алесандро Микеле креирал кампања посветена на колекцијата, снимена во sидовите на музејот Atelier Canova Tadolini во Рим, исполнета со скулптури од Антонио Канова, Адамо Тадолини и други уметници.

13_resize 6_resize

3_resize

10_resize

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top