Насловна / Вести / ГИМ и ИЕГЕ – Добитници на прва награда за Менаџмент на знаење и интелектуален капитал на светско ниво со моделот CO-IN

ГИМ и ИЕГЕ – Добитници на прва награда за Менаџмент на знаење и интелектуален капитал на светско ниво со моделот CO-IN

Градежен институт Македонија и Институтот за истражување во животна средина, градежништво и енергетика ИЕГЕ освоија прва награда на Европската конференција за управување со знаење на тема: Менаџмент на знаење и интелектуален капитал. Оваа награда се доделува на годишно ниво, на најдобрите светски практики за менаџмент на знаење и интелектуален капитал, како дел од Европската конференција за менаџмент на знаење, која е најстара конференција во оваа област во Европа. Моделот презентиран од ГИМ и ИЕГЕ наречен „Иновативен модел за развој за организација која учи преку менаџмент со знаење и интелектуален капитал“ беше прогласен за најдобар во светски рамки, избран помеѓу финалисти од САД и Русија.

Sertifikat Nagrada

ГИМ и ИЕГЕ го развија моделот CO-IN, како холистички пристап во соработка универзитет-индустрија во земјите во развој. Во периодот 2014-2019 година се развиени и имплементирани голем број стратешки одлуки, засновани на стратегите за развој, човечки ресурси и менаџмент на знаење иновативни активности, структурни мерки и организациски промени, засновани врз усвоените стратегии за инвестиции и развој на човечкиот капитал во ГИМ. Сите спроведени активности се спроведуваат во согласност со Стратегиите на ГИМ: Стратегија за развој, Стратегија за управување со човечки ресурси и Стратегија за КМ ( knowledge management).

Овој процес кој се развиваше во последните шест години даде многубројни резултати во работењето во ГИМ, придонесе кон задоволни клиенти, многубројни соработки, нови проекти и зголемување на ефикасноста на компанијата. ECKM ( Европска конференција за управување со знаење), е најдолго одржувана академска КМ конференција во Европа. Организирана е во универзитети во многу градови низ Европа, вклучувајќи ги: Барселона, Париз, Лисабон, Даблин, Оксфорд, Глазгов, Блед, Венеција, Ница и Белфаст, да споменеме само неколку.На конференцијата генерално присуствуваат учесници од повеќе од 40 земји и привлекува интересна комбинација на академски научници, практичари и поединци кои се занимаваат со различни аспекти на управување со знаење.

Sertifikat NagradaGIM

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top