Насловна / Вести / Функционален простор и амбиент во Охрид во кој ќе уживаат станарите

Функционален простор и амбиент во Охрид во кој ќе уживаат станарите

Овој трособен стан во Охрид со површина од 93 квадратни метри комплетно ќе се реновира и ќе добие нов ентериер во кој ќе можат да уживаат неговите сопственици.

Инвеститорот сакаше да го уреди станот според своите потреби, секако со помош на архитекти.

1_resize

Неговите барања беа да се добие модерен и топол амбиент, а изборот за опремување на станот да биде согласно нашите стручни препораки и замисли. Со оглед на тоа што станува збор за наш клиент во континуитет од повеќе години, чиишто објекти се наши проекти, ни беше задоволство и предизвик повторно да го импресионираме со нашата работа, особено што години наназад покажа доверба кон нашето биро.

1-5_resize

Станот претрпе помали градежни измени за да се адаптира на сопственикот и да добие што пофункционален простор за целото семејство.

Адаптација на станот е направена со нови преградни ѕидови со што е овозможен покомфорен простор и можност во иднина, детската соба да се подели на две одделни простории и да се користи за две деца независно, секое во своја соба.

Model 1-4_resize

Приватниот дел на станот, спалните соби и бањата е сепариран од заедничките простории, дневната соба, трпезаријата и кујната. Од влезниот претпростор се влегува во засебен блок со спална соба, бања и простор за одлагање. Исто така директен пристап од претпросторот има до тоалетот и детската соба, а понатаму се продолжува во одвоено влегување во кујната и дневниот престој.

1-1ќ_resize

Дневниот престој и трпезаријата сочинуваат единствен простор, додека кујната е одвоена од дневната соба со преграден ѕид налик на натур бетон, а е во директна комуникација со трпезаријата.

1-2_resize

Материјалите кои се употребени се иверка со дезен на даб во комбинација со боен медијапан во бела, графитна и жолта боја. Подот е предвиден да биде дабов паркет-шара шеврон, додека во кујната и трпезаријата аплицирани се порцелански плочки со мермерен дезен. Делови од ѕидовите обработени се со печатен бетон, принтови и облоги од иверица, кои на места продолжуваат хоризонтално по плафонот формирајќи засебни потези. Сè на сè, преовладуваат пријатни материјали и смирени тонови, одвреме-навреме разбиени со зелена боја, како со трпезариските столови и перници на гарнитурата, така и со природното зеленило насекаде низ станот, распространето во декоративни саксии и на ѕидот.

1-3_resize

Во дневниот простор вметнат е зелен вертикален ѕид-поларен лишај кој го разигрува и освежува просторот. Во дневната соба има голема стаклена површина со што е овозможена многу природна светлина и директен пристап на закосена тераса во истиот манир на закосениот еркер каде е предвиден просторот за трпезарија. Големите прозорци овозможуваат транспарентност на врската внатре – надвор.

1-1_resize

Лустерите предвидени во ентериерот се модернистички, едноставни и елегантно обликувани, во црна боја, како контраст на белите плафони со што уште повеќе се истакнува нивната препознатлива форма.

Кујната е со минималистички израз, едноставна, прочистена од вишок, бела, делува чисто, а белината е разбиена со шари на мермерната облога на ѕидот и подот и иверката со дезен на даб.

2-2_resize

2-1_resize

Детската соба е со најживи бои, но сепак умерено шарена, но доволно разиграна. Креветите се поставени на спротивни страни покрај ѕидовите, работната маса покрај природна светлина, а под прозорците предвидена е клупа и две меки, удобни фотелји во интензивна зелена боја, каде децата можат да ги сместат своите гости. Забележлив е белиот ѕид на кој се исцртани црни линии кои формираат квадрати и аплицирани се неправилни форми во истите бои кои се предвидени и на ѕидовите. Во просторијата доминира и црниот ѕид покрај работниот дел на кој се аплицирани детски цртежи, а ѕидот се огледува на спротивната страна каде се наоѓа ормарот со огледални лизгачки врати.

2_resize

Спалната соба е најсмирениот простор во станот кој оддишува со спокој. Материјалите во боја на даб ѝ даваат топлина, а природната боја на дрвото и ѕидот над креветот во загасито зелен тон ја прават суптилна и место за одмор и релаксација.

3_resize

Смиреноста и пријатното чувство не се одлика само на родителската спална соба, туку и на целиот ентериер на овој стан, кој ќе претрпи трансформација во функционален простор и амбиент во кој ќе уживаат станарите. Секој станар ќе добие свој простор зависно потребите и возраста, а заедничките простори ќе го задоволат начинот на живот на целото семејство.

Автор: БИРОПРОЕКТ

3-1_resize

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top