Дрејк потрошил повеќе од два милиони долари на патики Air Jordan

Раперот Дрејк потроши повеќе од два милиони долари на пар патики Џордан направени од злато.

Два милиони долари се огромна сума на пари за еден пар патики, но со нето вредност од 260 милиони долари, Дрејк тоа сигурно може да си го дозволи. Канадскиот рапер всушност се здружи со концептуалниот уметник Метју Сен, кој се прослави со својата работа со фини метали, лиење патики, рози, ски маски и други неочекувани предмети од злато и месинг.

Врз основа на пар Air Jordan 10s, патиките не се само позлатени, туку се направени од вистинско 24-каратно злато. За жал, поради цврстиот скапоцен материјал, патиките не можат да се носат. Теоретски, Дрејк би можел да се обиде да ги носи, но можеме само да замислиме колку тоа би било непријатно. Особено ако се земе предвид дека секоја патика тежи 45 килограми.

Самиот Сен ги објави на Инстаграм и златните патики на Дрејк, со хаштаг #theseweigh100pounds. Дрејк очигледно потрошил 2,1 милиони долари на овие патики, но колку и да звучи лудо, цената всушност има многу смисла. Златото било проценето на околу 1.100 долари за унца кога раперот ги нарачал патиките, така што ова е прилично добра инвестиција.