Дом од кедар над кањон во Јута

Локалното биро Sparano + Mooney Architecture постави два конзолни волумени обвиткани со црн кедар над кањон во близина на Солт Лејк Сити, Јута, САД.

Домот, наречен Wabi Sabi Residence, завршен во 2020 година е собјект од 370 квадратни метри на парцела од девет хектари на планинскиот венец Wasatch Range.

Sparano + Mooney Architecture ја проектирале куќата со три спални соби од два волумена со застаклени краеви од подот до плафонот што лебдат над пејзажот.

Северниот волумен е ориентиран долж оската од исток кон запад и ги содржи приватните простори, додека јужниот волумен, ротиран за 45 степени долж оската на кањонот, ги содржи јавните простори кои гледаат на пејзажот и градот.

Бетонските постаменти ги поврзуваат волумените обложени со дрво со пејзажот, а серија челични ѕидни носачи, поставени во термички ѕид, ги носат конзолите со должина 5,6 метри и 7,3 метри.

„Сакавме да ја допреме парцелата со леснотија, така што домот се надвива над локацијата, се приземјува на влезот, а потоа лебди над пејзажот додека се движите низ куќата“, велат архитектите за Dezeen.

„Куќата проектирана на овој начин ни помогна да го минимизираме влијанието врз оваа природна локација и да го намалиме ископувањето“.

Куќата е обложена со Western Red Cedar Select што го референцира пејзажот и придонесува за намалување на градежниот отпад со користење на табли од 4,2 метри што се протегаат од основата на надворешниот ѕид до парапетите во цело парче.

Користејќи ја јапонската естетска филозофија на wabi-sabi – убавината на несовршеното и нецелосното – северниот волумен користи завршен слој од природен кедар, додека на јужниот волумен, кедарот е обоен во црно.

Филозофијата на материјалот се протега и на изборот на ентериерот, опремата и мебелот, создавајќи простори кои слободно течат од внатре кон надвор со комбинации на светли и темни елементи.

Сместена на падина, нивото на подрумот вклучува канцелариски простор со приватна тераса, а каминот во дневната соба е одраз на надворешниот камин за собири.

Надворешниот камен под продолжува во просториите за живеење, а завршната обработка на плочките со голем формат и полното дрво го кријат системот за греење.

Куќата е проектирана да постигне LEED Gold сертификат преку пасивни и активни системи.

„Објектот се наоѓа во планинско подрачје и минимално го нарушува пејзажот, кој е надополнет со автохтони растенија и дрвја отпорни на суша“, вели тимот.