Дел од улица во Пржино пропадна во градежна јама

Потпорен ѕид се урнал рано изутрината на улицата „Пандо Кљашев“, населба Пржино во општина Кисела Вода. Дел од улицата е пропадната во јама ископана за темели на станбена зграда со висина три ката и поткровје. Инвеститор и изведувач на градежните работи е „Хантерс – Скопје“, со одобрение за градба УП. бр. 13-378 од 16.01.2018 година, со правосилност од 05.02.2018 година.

Граѓаните кои живеат во близина повеќе пати апелираа за нерагуларностите при изведбата до полицијата и градежната инспекција во Општина Кисела Вода, но тие останаа глуви на нивните апели.
ДУП-овите се направени за станбени згради кои се предвидени на места на индивидуални куќи на истата инфраструктура. Се поставува прашањето дали градежната јама била соодветно обезбедена.