Чист воздух во домот: Растенија кои ги елиминираат штетните материи

Има растенија кои најдобро ги елиминираат штетните материи од воздухот во домот, но треба правилно да се распоредат во просторот за да се постигнат најдобри ефекти. Голем број на растенија апсорбираат честички кои го загадуваат нашиот животен простор, а со нивна соодветна грижа и сместување во просторот ќе го направите домот поздрав и попријатен.

На секои девет квадрати во станот треба да наредите по едно растение кое има моќ за прочистување на воздухот, па така за стан со просечна големина потребни ви се само шест до седум добро средени растенија од листата што ви ја претставуваме.

ПАЛМА

Палмата е растение кое луѓето сакаат да го одгледуваат во своите домови бидејќи потсетува на лето и го внесува сонцето во домот, а покрај тоа многу е важна нејзината функција за прочистување во домот. Според истражувањето спроведено од НАСА, најдобро растение кое го прочистува воздухот е палмата Areca, која ја одржува влагата и свежината во просторијата и ги отстранува хемиските токсини од воздухот. На палмите треба да им се обезбеди доволно светлина, но не треба да се ставаат директно на сонце, бидејќи тоа ќе предизвика контраефект.

ГЕРБЕР

Герберот е украсно растение со кое многумина сакаат да го разубават својот дом, но овој прекрасен цвет го чисти воздухот и од штетни материи и чад од тутун. Не бара посебна грижа, поднесува топлина, но не заборавајте редовно да го полевате.

АЛОЕ ВЕРА

Лековитото растение Алое Вера се користи за регенерација на телото и кожата, но интересно е и тоа што совршено ги отстранува штетните материи од воздухот, вклучително и зрачењето од телевизиските екрани и мониторите. Затоа, особено е погоден за луѓе кои поминуваат многу време пред телевизор или компјутер.

ДРАЦЕНА

Ова тропско растение потекнува од Мадагаскар и одлично филтрира многу токсини, вклучувајќи го и формалдехидот (гас што често се користи за производство на пластика и средства за дезинфекција). Задолжително отстранете го од директен извор на светлина, провев и студени места, бидејќи на овој начин овој прекрасен цвет ќе порасне до три метри.

БРШЛЕН

Бршленот го чисти воздухот од чадот од тутунот, а се верува дека ова растение носи и среќа. Ова растение најмногу расте околу куќата, но може да биде и внатре, само ако го чувате подалеку од деца и домашни миленици, поради неговите отровни лисја.

КАКТУС

Кактусите апсорбираат штетно електромагнетно зрачење и ја намалуваат концентрацијата на испарлива органска материја. Тие не бараат посебна грижа и можат да преживеат во домот на многу зафатени луѓе, кои често забораваат на грижата за цвеќето. Овие необични растенија со различни форми и големини можат да бидат многу убава декорација.

ФИКУС

Фикусот го чисти воздухот од прашина, габи и бактерии и го неутрализира чадот од тутун, ја намалува концентрацијата на јаглерод диоксид, јаглерод моноксид и триелин (хемикалии кои се наоѓаат во лепилата, боите и лаковите). За разлика од палмите, фикусот треба да се стави на извор на светлина, но не и на провев. Исто така, треба да се внимава да не биде изложен на нагли промени на температурата.

ПАПРАТ

Ако сакате папрат, чувајте го во кујната или бањата што има прозорци, бидејќи бараат многу влага, а не сакаат директна сончева светлина. Ова растение ќе ви помогне да ја намалите концентрацијата на формалдехид во мебелот, завесите и ткаенините дома, но и пластиката, лепилата и боите.

Следете ги правилата за грижа што важат за овие растенија, распоредете ги правилно во куќата или станот и тие наскоро ќе ги заменат апаратите кои досега ви го прочистувале воздухот.