Четврта енергетски ефикасна фасада во Центар

Како што соопштија од општина Центар, жителите на зградата на улицата Франклин Рузвелт бр. 46, добија обновена фасада со убави бои, избрани во договор со станарите.

Ова е четврта енергетско ефикасна фасада од планираните 11 фасади кои во договор со станарите ги изведува општина Центар.
Во зградата живеат архитекти и дизајнери, кои заедно со другите станари го одлучуваа новиот лик на својата зграда.
Ставена е изолација од 5 сантиметри, со што сметките за електрична енергија ќе бидат поевтини за една третина, се вели во соопштението од општината.