Casa do Penedo, веројатно највпечатливата викендичка на светот

Casa do Penedo или „Камена куќа“ е архитектонски споменик сместен во северна Португалија. Го добила името по четирите монументали парчиња гранитна карпа кои играат улога на темели, ѕидови и покрив.  Поради својот необичен облик, но и наинот на кој се вклопува во средината, оваа камена куќа станала вистинска туристичка атракција. Се наоѓа покрај ветерна електрана, но во куќата нема електрична енергија.

Casa do Penedo се градела одприлика две години – од 1972 до 1974 година. Од почетокот сопствениците ја користеле како викендичка, но денес е претворена во музеј во кој можат ад се разгледаат фотографии и други експонати поврзани со нејзиното минато. Се организираат и најразлични туристички тури. Со цел да се зашитат од вандали, сопствениците поставиле непробојни стакла, но и тешка метална врата.